ཏཱ་ནི་སྟོད་ཀྱི་ནམ་མཁའ།

གློག་བརྙན《ཏཱ་ནི་སྟོད་ཀྱི་ནམ་མཁའ》ནི་དམངས་ཁྲོད་གཏམ་རྒྱུད《ཉི་མ་ཚེ་རིང་དང་ཟླ་བཟང་སྒྲོལ་མ》གཞིར་བྱས་ནས་བཅོས་སྒྲིག་བྱས་པའི་གློག་བརྙན་ཞིག་གོ།།

མཁའ་འགྲོ་མ།

གཏམ་རྒྱུད་ནི་རྗེས་དཔག་རིང་ལུགས་ཀྱི་བོད་རིགས་ལས་གཏོད་གཞོན་ནུ་ཅན་བསྟན་འཛིན་ནེ་པ་ལའི་ཀོག་ཧྥེ་ཁང་ཡག་ཤོས་ཤིག་འཛུགས་རྒྱུའི་བསམ་བློ་འཁོར་གྱི་ཡོད་པ་དང་ནུས་ཤུགས་ཡོད་རྒུས་དང་ཕུགས་འདུན་དོན་གཉེར་བྱེད་སྐབས། གློ་བུར་དུ་ཐོན་པའི་ཡ་མཚན་གྱི་རྨི་ལམ་ངན་པ་དང་འཕྲུལ་སྣང་གིས་རྙོག་དྲ་བཟོས་པས། ཁོང་གི་གྲོགས་པོ་དང་ལུང་སྟོན་པ་ཚང་མས་དེ་ནི་འཆི་ཁར་ཐུག་པ་དང་བཀྲ་མི་ཤིས་པའི་སྔ་ལྟས་ཤིག་རེད་ཅེས་ཐ་ཚིག་བསྒྲགས་རེད།

སྤྲུལ་སྐུ།

འབྲུག་ཡུལ་ནས་ཡོང་བའི་བླ་མ་གཉིས་ཐག་རིང་ནས་ཞི་ཡ་ཐུའུ་ལ་ཡོང་ནས་ཁོ་ཚོའི་དགེ་རྒན་སྔོན་མ་ཞིག་གི་ཡང་སྲིད་བཙལ་བ་དུས།ཁོ་ཚོས་ལོ་དགུ་ཅན་གྱི་བྱིས་པ་ཆུང་ཆུང་ཅེ་ཞི་ཟེར་བའི་ཞིག་རྙེད་བྱུང་།(ཨ་ལི་ཁེ་སི་ཝུན་སུན་ཏན་ཅི་Alexandx་Wesendangeའཁྲབ།)ཁོ་ཚོའི་ཅེ་ཞི་ཁྲིད་ནས་དགོན་པར་སོང་ནས་ར་སྤྲོད་དང་ལེན་བྱེད་པའི་རེ་བ་ཡོད། ཅེ་ཞི་ཡི་ཕ་མས་བུ་ཁྲིད་ནས་འབྲུག་ཡུལ་ལ་འགྲོ་རྒྱུ་ཁས་བླངས་པ་དང་། ཁོ་ཚོས་བླ་མ་དང་འབྲེལ་འདྲིས་བྱེད་པའི་སྐབས་སུ། རྒྱུན་ཆད་མེད་པར་མི་སེམས་འགུག་པའི་གཏམ་རྒྱུད་ཅིག་ཤེས།

རྟེན་སྲུང་གའུ།

གློག་བརྙན་དེའི་ནང་རི་དྭགས་གནའ་བ་དང་འབྲེལ་བའི་ལས་རྒྱུ་འབྲས་འཁོར་བའི་གཏམ་རྒྱུད་ཅིག་བརྗོད་ནས་ལྟད་མོ་བ་ཚོར་རྒྱུ་འབྲས་ཀྱི་གནས་ལུགས་སྨིན་པའི་བརྒྱུད་བསྒྲགས་བྱས་ཡོད་པ་རེད། འཇམ་དབྱངས་ཚེ་རིང་གིས་ཞིབ་ཚགས་ཀྱི་བརྙན་ལེན་བྱ་ཐབས་བརྒྱུད་དམངས་ཁྲོད་ཀྱི་གཏམ་རྒྱུད་ཁྲོད་ཀྱི་རྣམ་པ་དང་དངོས་ཡོད་འཚོ་བ་ཟུང་འབྲེལ་དམ་ཟབ་བྱས་ནས་ལྟད་མོ་བར་གློག་བརྙན་ལྟ་རུ་འཇུག་པའི་བརྒྱུད་རིམ་ཁྲོད་ཚེ་སྲོག་དང་རྒྱུ་འབྲས། འཁོར་བའི་དོན་སྙིང་བཅས་ལ་བསམ་གཞིག་བྱེད་དུ་བཅུག་ཡོད།

མི་རོའི་གསང་སྒྲུང་།

གློག་བརྙན་འདི་"་བོད་རིགས་ཀྱི་བརྗོད་བྱ་"་ཞེས་པའི་དོགས་སློང་གློག་བརྙན་ཞིག་ཡིན་པ་དང་།གྲོང་ཚོར་ཞིག་ལ་གློ་བུར་དུ་ཐོན་པའི་ཚེ་སྲོག་གི་གྱོད་གཞི་ཞིག་བརྗོད་དེ་མ་གཞི་ལྷིང་འཇགས་ཀྱི་རི་གྲོང་དེ་འཇིགས་སྣང་གིས་ཁེངས་པས།

རྟ་རྐུན།

1923ལོར་བོད་མི་ནོར་བུ་(ཚེ་དབང་རིག་འཛིན་འཁྲབ།)མཐོ་སྒང་ལས་རྟ་བརྐུས་ནས་འཚོ་བ་སྐྱེལ་གྱི་ཡོད། འོན་ཀྱང་ཁོས་རང་ཉིད་ཀྱི་ཕྲུ་གུ་བཀྲ་ཤིས་ཀྱི་ཆེད་དུ། ནོར་བུས་ལྷ་ལུག་བཏང་ནས་གསོལ་བ་སྨོན་ལམ་འདེབས།

སྲོག་ཉེན་གྱི་སྤྱི་ལེ་800

ཀི་ཀྲ་རྒྱུགས་ན་རླུང་བུ་ཞིག་དང་འདྲ་བས་རྟ་རྒོད་ཟེར།གཅུང་མོ་སྒྲོལ་མའི་སྙིང་ལ་གཤགས་བཅོས་བྱས་པའི་རྐྱེན་གྱིས་འཕྲལ་དུ་སྒོར་ཁྲི་གཅིག་དགོས་ཀྱི་ཡོད་ཀྱང་ཁྱིམ་ཚང་དབུལ་པོ་ཡིན་པའི་སྐལ་བཀྲའི་ངོས་ནས་བརྗོད་ན་དེ་ནི་གནམ་དཔྱད་གྲངས་ཀ་ཞིག་དང་ཁྱད་པར་མེད།ཞིང་ཆེན་གྲོང་ཁྱེར་གྱིས་ཨོ་རྩལ་འགྲན་ཚོགས་ཀྱི་སྙིང་སྟོབས་དྲིལ་བསྒྲགས་བྱེད་པའི་རྒྱང་རྒྱུགས་འགྲན་བསྡུར་སྤེལ་བ་དང་།་ཨང་དང་པོར་བྱ་དགའི་དངུལ་སྒོར་ཁྲི་གཅིག་ཐོབ།

གངས་ལྷ་མེ་ཏོག

གངས་ལྷ་མེ་ཏོག་ནི་བོད་ཀྱི་མེ་ཏོག་གཅིག་དང་རི་མོ་གཅིག་གླུ་དབྱངས་གཅིག་ཨར་ཁང་གཅིག་བུད་མེད་གཅིག་བཅས་ཀྱི་མིང་ཡིན་པ་དང་གངས་ལྷ་མེ་ཏོག་ནི་དུས་རབས་ཕྱེད་ཀ་ལྷག་ཙམ་གོང་གི་ཡིད་སྐྱོ་ཞིང་ཡིད་དབང་འཕྲོག་པ་དང་འཚོལ་བ་དང་ཤོར་བའི་བརྩེ་དུང་གི་གཏམ་རྒྱུད་ཅིག་རེད།

ཨ་ཆེན་གངས་རྒྱབ།

སྐལ་གཡུ་(ཀྲང་ལའེ།)་ནི་མ་གཞི་ཉེན་རྟོག་པ་ཞིག་ཡིན་པ་དང་། གཙོད་རྔོན་རྒྱག་པའི་གནས་ཚུལ་ལ་བརྟག་དཔྱད་བྱ་ཆེད་ཁོང་གིས་གསར་འགོད་པའི་ཐོབ་ཐང་རྫུས་ནས་རྟོག་ཞིབ་ཚོགས་པ་དང་མཉམ་དུ་ཨ་ཆེན་གངས་རྒྱབ་ལ་ཡོང་བ་སྟེ།དེ་གར་གནམ་གཤིས་གྲང་ངར་ཆེ་བ་དང་མཁའ་རླུང་སྲབ་པས་དབྱང་རླུང་འདུས་ཚད་ཧ་ཅང་དམའ་པོ་ཡོད།མིའི་རིགས་འཚོ་གནས་བྱེད་སའི་"་བཀག་སྡོམ་ས་ཁུལ་"་རེད།

ཧེ་མ་ཧེ་མ།

ལོ་བཅུ་གཉིས་སོང་རྗེས་རི་བོ་ཧི་མ་ལ་ཡའི་འདབས་ཀྱི་ནགས་ཚལ་ནང་བདམས་ཐོན་བྱུང་བའི་མི་རྣམས་ཀྱིས་གདོང་འབག་གྱོན་ནས་ཕོ་མོའི་དབྱེ་བ་སྦས་པ་དང་འཇིག་རྟེན་པའི་ཐོབ་ཐང་བཞག་པ་དེ་ནི་ཤི་བ་ལྟ་བུའི་དུས་ཡུན་གཟའ་འཁོར་གཉིས་དང་འཇིག་རྟེན་དང་ཁ་བྲལ་བའི་ངོ་མཚར་ཆེ་བའི་སྡོམ་ཁྲིམས་ཀྱི་འཚོ་བ་སྐྱེལ།

ལུང་ནག་ན།

ཨོ་རྒྱན་ནི་འབྲུག་པའི་ན་གཞོན་དགེ་རྒན་ཞིག་ཡིན། འོན་ཀྱང་ཁོས་དཔེ་ཁྲིད་བྱེད་མི་འདོད།་དེ་ལས་ལྡོག་སྟེ་ཡོབ་གླིང་ལ་འགྲོ་འདོད་པ་དང་། གླུ་བ་འཁྱམ་པོ་ཞིག་ཏུ་འགྱུར་འདོད་པ་རེད །སློབ་གསོ་པུའུ་ཡིས་ཁོ་ལ་སེམས་གསོ་བྱེད་ཆེད་ཁོ་རང་འཛམ་གླིང་གི་ཆེས་མཐོ་བའི་སློབ་གྲྭར་དགེ་རྒན་བྱེད་དུ་མངགས།

ཆུ་ལྷམ་ཆུང་ཆུང་།

བོད་ཡུལ་གྱི་རོང་ཕྱོགས་ས་ཁུལ་ན་འཚོ་བ་རོལ་བཞིན་པའི་བྱིས་པ་དབང་གྲགས་ཀྱིས་ནམ་རྒྱུན་མཛེས་ཤིང་ཡིད་དུ་འོང་བའི་ཆུ་ལྷམ་ཆ་གཅིག་ཐོབ་པར་རེ་ཞིང་། དེ་ལྟར་ཡུན་རིང་བསྒུགས་པའི་མཐའ་མར་ཁོའི་རེ་བ་དོན་ཐོག་ཏུ་སྨིན་སྟེ་ཆུ་ལྷམ་ཆ་གཅིག་ཐོབ་སོང་ནའང་། ཆར་བ་དུས་ཐོག་ཏུ་མ་བབས་པས། ཆར་ཞིག་འབབ་པའི་རེ་བ་ལས་བྱུང་བའི་དགོད་བྲོ་ལ་ངུ་ཡང་སྐྱེན་པའི་གཏམ་རྒྱུད་ཅིག་ཡིན།

སྲིད་པའི་མེ་ཏོག

འདི་ནི་མིའི་ནང་སེམས་ཀྱི་འཇིག་རྟེན་འཚོལ་ཞིབ་བྱེད་པའི་གློག་བརྙན་ཞིག་རེད།གློག་བརྙན་འདིའི་ནང་དུ་མི་སྣའི་འཁྲབ་ཚིག་གཅིག་ཀྱང་མེད།བལྟ་བྱ་ཉན་བྱའི་སྐད་ཆས་གཏམ་རྒྱུད་བཤད་པའི་འཚོལ་ཞིབ་རང་བཞིན་གྱི་གློག་བརྙན་ཞིག་གོ།།

རྒྱུད་སྐུད་སྟེང་གི་རྣམ་ཤེས།

བོད་ལྗོངས་ཀྱི་ནགས་ཚལ་སྟུག་པོ་ཞིག་གི་ཁྲོད་སྡིག་ལས་གྲངས་མེད་བྱེད་པའི་རྔོན་པ་ཐར་བྷེ༼ སྦྱིན་པས་འཁྲབ༽ ཡིས་ཤ་བ་ཞིག་བསད་པ་དང་ཤ་བ་དེའི་ཁོག་ནས་རིན་པོ་ཆེ་ཞིག་རེྙེད་མ་ཐག་སྐད་ཅིག་མའི་གློག་དམར་ཞིག་གིས་ཁོ་བོ་འཚལ་བར་བཏང་།བླ་ཆེན་བཀྲ་ཐོ་ཡིས་གཤིན་པོ་ཐར་བྷའི་རྣམ་ཤེས་བདེ་བ་ཅན་ནས་ཕྱིར་དྲངས་པར་མ་ཟད་ཁོའི་ལག་གི་རིན་པོ་ཆེ་དེ་ནི་གནམ་རྒན་མའི་མི་ཡུལ་ལ་གནང་བའི་དངོས་བོ་ཡ་མཚན་ཅན་ཞིག་རེད། ཞོར་དུ་རིན་ཆེན་དངོས་བོ་ཐོབ་པའི་མི་དེ་ལ་དངོས་བོ་དེ་ཨོ་རྒྱན་རིན་པོ་ཆེའི་ཕྱག་ཏུ་འབུལ་བའི་འོས་འགན་ཡོད་ཅེས་གསུངས་པ་རེད།དེ་བས་བླ་མའི་མཛུབ་སྟོན་ལྟར་རང་ཉིད་ཀྱི་སྔར་བྱས་ལ་འགྱོད་པ་དང་སྡིག་པ་དག་ཆེད་དབུས་ལ་ཆས་པ་རེད།ལམ་བར་དུ་དགག་རྐྱེན་མང་པོར་འཕྲད་པར་མ་ཟད་ཁོས་ཁེར་རྐྱང་གི་ལུག་རྫི་བུ་མོ་ཁྱུང་ ༼ ཆོས་ཉིད་ཚེ་རིང་གིས་འཁྲབ ༽ དང་སྤྱང་གྲུང་ལྡན་པའི་ལྐུག་པ་ཆུང་ཆུང་འཕགས ༼ ཡེ་ཤེས་བསྟན་འཛིན་གྱིས་འཁྲབ ༽ གཉིས་ངོ་ཤེས་ཏེ་མཉམ་དུ་སོང་བ་ན་ཆག་འཇིག་དང་ཉེན་ཁས་བརྟས་པའི་ལམ་ཐག་རིང་བོ་ཁེར་ཧྲང་མིན་པའི་སྣང་བ་སྐྱེས།ལམ་བར་དུ་འཁོན་སེམས་ཀྱིས་ཁེངས་པའི་སྤོས་ཐར་སྤུན་ཟླ་གཉིས་དང་རིན་པོ་ཆེར་དམིགས་པའི་མི་དག་གིས་ཕྱོགས་སོ་སོ་ནས་ཁོ་ཚོ་འདེད་གསོད་བྱེད་ཀྱིན་ཡོད་པས་ཉེན་ཁ་ཧ་ཅང་ཆེ།དེ་རྗེས་ལྐོག་གྱུར་གྱི་མི་སྣ་དགེ་ལྡན་ལྷང་ལ་འབུད་སྟངས་དེས་གཏམ་རྒྱུད་ལ་རྒྱུ་འཕྲུལ་གྱི་རྣམ་པ་དང་།དོན་དངོས་དང་འཕྲུལ་སྣང་བསྐྱར་ཟློས་ལོགས་ལུས་ཀྱི་རྣམ་པ་བསྣན་ཡོད།ཉེན་ཁ་གང་མང་དང་།ཞེ་འཁོན་ཡོད་ཚད།སྲ་མཁྲེགས་ཀྱི་རང་གཤིས།སྡིག་པ་མཐའ་དག་ནི་འཁོར་བའི་ཀློང་ནས་རྟོགས་སད་དང་སྡུག་བསྔལ་ལས་ཐར་བ་བསྟན་ཡོད་དོ།།