གློག་བརྙན།

གློག་བརྙན་འདིར་དངོས་བཤུས་ཀྱི་ཐབས་སྤྱད་ནས་དགོན་པའི་བན་དེ་ཆུང་ཆུང་ཞིག་ཕྱིར་ཕ་ཡུལ་ལ་ལོ་སར་དུ་འགྲོ་བའི་དོན་དག་ཅིག་བརྗོད་ཡོད། དགོན་པ་ནས་གྲོང་སྡེ། དེ་ནས་ཡང་བསྐྱར་དགོན་པར་ལོག་པ་བཅས་ཕར་ཚུར་ཉིན་གསུམ་རིང་ལ། མཚར་སྣང་གིས་ཁེངས་པའི་བན་དེ་ཆུང་ཆུང་ནི་བརྙན་འཕྲིན་ཟློས་གར་ལ་བལྟ་རྒྱུར་སེམས་པ་ཤོར། གློག་བརྙན་འདིས་འཇིག་རྟེན་འཁོར་བ་དང་དབེན་པའི་དགོན་པ། དངོས་ཡོད་འཚོ་བ་དང་ལྷ་སྒྲུང་། སྲོལ་རྒྱུན་རིག་གནས་དང་དེང་རབས་རིག་གནས་བཅས་ཀྱི་བར་ནས་བན་དེ་ཆུང་ཆུང་ཞིག་གི་འགལ་འདུའི་བསམ་བློ་བརྗོད་ཡོད།

གློག་བརྙན《ཏཱ་ནི་སྟོད་ཀྱི་ནམ་མཁའ》ནི་དམངས་ཁྲོད་གཏམ་རྒྱུད《ཉི་མ་ཚེ་རིང་དང་ཟླ་བཟང་སྒྲོལ་མ》གཞིར་བྱས་ནས་བཅོས་སྒྲིག་བྱས་པའི་གློག་བརྙན་ཞིག་གོ།།

གཏམ་རྒྱུད་ནི་རྗེས་དཔག་རིང་ལུགས་ཀྱི་བོད་རིགས་ལས་གཏོད་གཞོན་ནུ་ཅན་བསྟན་འཛིན་ནེ་པ་ལའི་ཀོག་ཧྥེ་ཁང་ཡག་ཤོས་ཤིག་འཛུགས་རྒྱུའི་བསམ་བློ་འཁོར་གྱི་ཡོད་པ་དང་ནུས་ཤུགས་ཡོད་རྒུས་དང་ཕུགས་འདུན་དོན་གཉེར་བྱེད་སྐབས། གློ་བུར་དུ་ཐོན་པའི་ཡ་མཚན་གྱི་རྨི་ལམ་ངན་པ་དང་འཕྲུལ་སྣང་གིས་རྙོག་དྲ་བཟོས་པས། ཁོང་གི་གྲོགས་པོ་དང་ལུང་སྟོན་པ་ཚང་མས་དེ་ནི་འཆི་ཁར་ཐུག་པ་དང་བཀྲ་མི་ཤིས་པའི་སྔ་ལྟས་ཤིག་རེད་ཅེས་ཐ་ཚིག་བསྒྲགས་རེད།

འབྲུག་ཡུལ་ནས་ཡོང་བའི་བླ་མ་གཉིས་ཐག་རིང་ནས་ཞི་ཡ་ཐུའུ་ལ་ཡོང་ནས་ཁོ་ཚོའི་དགེ་རྒན་སྔོན་མ་ཞིག་གི་ཡང་སྲིད་བཙལ་བ་དུས།ཁོ་ཚོས་ལོ་དགུ་ཅན་གྱི་བྱིས་པ་ཆུང་ཆུང་ཅེ་ཞི་ཟེར་བའི་ཞིག་རྙེད་བྱུང་།(ཨ་ལི་ཁེ་སི་ཝུན་སུན་ཏན་ཅི་Alexandx་Wesendangeའཁྲབ།)ཁོ་ཚོའི་ཅེ་ཞི་ཁྲིད་ནས་དགོན་པར་སོང་ནས་ར་སྤྲོད་དང་ལེན་བྱེད་པའི་རེ་བ་ཡོད། ཅེ་ཞི་ཡི་ཕ་མས་བུ་ཁྲིད་ནས་འབྲུག་ཡུལ་ལ་འགྲོ་རྒྱུ་ཁས་བླངས་པ་དང་། ཁོ་ཚོས་བླ་མ་དང་འབྲེལ་འདྲིས་བྱེད་པའི་སྐབས་སུ། རྒྱུན་ཆད་མེད་པར་མི་སེམས་འགུག་པའི་གཏམ་རྒྱུད་ཅིག་ཤེས།

བོད་པའི་གྲོང་ཚོ་ཞིག་གི་དགོན་པ་ནང་དུ་དུང་བརྡ་དེ་སྲུང་སྐར་དང་ལེན་ཆས་ཤིག་གིས་ཚོད་ལྟ་བྱས་ནས་ས་གནས་དེ་གའི་མི་དམངས་ལ་འཛམ་གླིང་བུམ་པའི་རྐང་རྩེད་སྤོ་ལོའི་འགྲན་བསྡུར་གྱི་བརྒྱུད་གཏོང་བལྟ་རུ་བཅུག འཛམ་གླིང་བུམ་པའི་རྐང་རྩེད་སྤོ་ལོའི་འགྲན་བསྡུར་དེ་ཧྥ་རན་སིར་ཚ་ཚ་འུར་འུར་ངང་སྤེལ་སྐབས་ཐག་རིང་ཧི་མ་ལ་ཡ་རི་ཁྲོད་ཀྱི་དགོན་པ་ནང་རྐང་རྩེད་སྤོ་ལོར་ཞེན་ཆགས་པའི་གྲྭ་པ་ཆུང་ཆུང་གཉིས་ཀྱིས་དེ་གར་ལྷིང་འཇགས་ངང་མནོ་བསམ་གཏོང་བའི་རྣམ་པ་རྦད་དེ་གཏོར་བ་དང་དགོན་པ་གི་གོང་འོག་ཚང་མར་རྐང་རྩེད་སྤོ་ལོར་སྤྲོ་སེམས་རབ་ཏུ་འཁོལ་བའི་རྣམ་པས་ཁེངས།

གློག་བརྙན་འདིའི་ནང་དུ་འཁྲབ་ཁྲིད་པ་དང་བརྙན་ལེན་པ་ཞིག་སྦྱིན་བདག་ཞིག་གི་སྣེ་ཁྲིད་འོག་དྲི་མེད་ཀུན་ལྡན་འཁྲབ་མཁན་གྱི་འཁྲབ་སྟོན་པ་ཞིག་འཚོལ་དུ་སོང་བའི་བརྒྱུད་རིམ་བརྗོད་ཡོད་ཅིང་། འཁྲབ་སྟོན་པ་འོས་འཚམ་ཞིག་འཚོལ་ཆེད་བརྙན་ལེན་ཚོ་ཆུང་རྣམ་ཐར་འཆམ་སའི་སྡེ་བ་དང་དགོན་པ། གྲོང་བརྡལ་སོགས་ས་ཆ་མང་པོ་ཞིག་ཏུ་སོང་ཞིང་འཁྲབ་ཁྲིད་པས་དྲི་མེད་ཀུན་ལྡན་གྱི་བཙུན་མོ་འཁྲབ་མཁན་གྱི་བུ་མོ་ཞིག་རྙེད་ནའང་ཁོ་མོས་མགོ་དཀྲིས་གྱོན་ཡོད་པས་བུ་མོའི་བྱད་བཞིན་མཐོང་མི་ཐུབ། བུ་མོས་ཁོ་ཚོར་བཙུན་མོ་འཁྲབ་རྒྱུར་ཁས་བླངས་ནའང་ཁོ་མོའི་སྔོན་ཆད་ཀྱི་དགའ་རོགས་ལ་འཕྲད་དགོས་པའི་རེ་བ་བཏོན་པས། འཁྲབ་ཁྲིད་ཚོ་ཆུང་གིས་ཁོ་མོའི་རེ་བ་དེ་དང་དུ་བླངས། ཁོ་མོའི་སྔོན་ཆད་ཀྱི་དགའ་རོགས་འཚོལ་བའི་ལམ་བར་དུ་སྦྱིན་བདག་གིས་ཁོ་ཚོར་ཁོ་རང་གི་ཆེས་ཐོག་མའི་བརྩེ་དུང་གི་གཏམ་རྒྱུད་བཤད་པས་བུ་མོ་དང་བཅས་པའི་ཁོ་ཚོ་ཚང་མ་ཡིད་འགུལ་ཐེབས། བརྩེ་དུང་གི་གཏམ་རྒྱུད་དེ་བར་བཅུག་གི་ཚུལ་དུ་བརྗོད་ཡོད། བུ་མོ་དེ་སྔོན་ཆད་ཀྱི་དགའ་རོགས་དང་འཕྲད་ཅིང་སླར་ཡང་ཁོ་དང་ཁ་བྲལ་ནས་ཕ་ཡུལ་དུ་ལོག་པའི་གཏམ་རྒྱུད་ཅིག་བརྗོད་ཡོད།

ཨ་མ་རིན་སྒྲོལ་ལ་ཡང་བསྐྱར་མངལ་སྦྲུམ་ནས་བྱིས་པ་སྐྱེ་རག་བར་གྱི་དུས་ཚིགས་ཀྱི་འགྱུར་བ་གཞིར་བྱས་ཏེ། བུ་མོ་ཆུང་ཆུང་དབྱངས་ཅན་ལྷ་མོའི་མིག་ནང་གི་ཨ་མྱེས་དང་ཨ་ཕ་གུ་རུ་གཉིས་ཀྱི་མངོན་ལྐོག་གི་འབྲེལ་བ་དང་། དེ་བཞིན་མོ་དང་ཨ་ཕའི་བར་གྱི་ཐོགས་རེག་བྲལ་བའི་ནང་སེམས་ཀྱི་འགལ་འདུ་དང་བརྩེ་བ་གཙོ་བོར་བྱས་པའི་ཕལ་བའི་ཁྱིམ་ཚང་ཞིག་གི་སྐྱིད་སྡུག་བརྗོད་ཡོད། འདི་ནི་ཕ་མ་བཟའ་ཚང་བར་གི་བརྩེ་བ་དང་འདུ་འབྲལ་གཙོ་བོར་སྟོན་པའི་གློག་བརྙན་ཞིག་ཡིན་ལ། གློག་བརྙན་དུ་ས་མ་འབྲོག་གི་ཁྱིམ་ཚང་ཕལ་བ་ཞིག་གི་མི་རབས་གསུམ་བར་གྱི་བརྩེ་བ་དང་འདུ་བྲལ་ལ་རྐྱེན་བྱས་པའི་བཟའ་འཁོན་དང་། འཚོ་བའི་ཁྲོད་ཀྱི་དཀའ་ཚེགས་དང་རེ་སྨོན་སོགས་གཟུགས་ཅན་དུ་མཚོན་པར་བྱས་ཡོད།