གློག་བརྙན།

གཏམ་རྒྱུད་ནི་རྗེས་དཔག་རིང་ལུགས་ཀྱི་བོད་རིགས་ལས་གཏོད་གཞོན་ནུ་ཅན་བསྟན་འཛིན་ནེ་པ་ལའི་ཀོག་ཧྥེ་ཁང་ཡག་ཤོས་ཤིག་འཛུགས་རྒྱུའི་བསམ་བློ་འཁོར་གྱི་ཡོད་པ་དང་ནུས་ཤུགས་ཡོད་རྒུས་དང་ཕུགས་འདུན་དོན་གཉེར་བྱེད་སྐབས། གློ་བུར་དུ་ཐོན་པའི་ཡ་མཚན་གྱི་རྨི་ལམ་ངན་པ་དང་འཕྲུལ་སྣང་གིས་རྙོག་དྲ་བཟོས་པས། ཁོང་གི་གྲོགས་པོ་དང་ལུང་སྟོན་པ་ཚང་མས་དེ་ནི་འཆི་ཁར་ཐུག་པ་དང་བཀྲ་མི་ཤིས་པའི་སྔ་ལྟས་ཤིག་རེད་ཅེས་ཐ་ཚིག་བསྒྲགས་རེད།

གློག་བརྙན་འདིའི་ནང་དུས་རབས་༢༠པའི་ལོ་རབས་༩༠ཡི་ལོ་མཇུག་ཏུ་བོད་ཁུལ་གྱི་ས་ཆ་ག་གེ་མོ་ཞིག་ཏུ་བུ་ཡིས་ཨ་ཕའི་གཅེས་སུ་འོས་པའི་ཁྱི་རྒན་དེ་ཁོང་ལ་ཤེས་སུ་མ་བཅུག་པར། ས་གནས་ཀྱི་ཁྱི་ཚོང་པ་ཞིག་ལ་བཙོང་རྒྱུར་ཐག་བཅད་པ་ཨ་ཕས་ཤེས་རྗེས་མྱུར་དུ་རྗེས་དེད་དེ་ཁྱི་རྒན་དེ་ཕྱིར་ལོན་ཐབས་བྱས། དེ་ནས་བཟུང་ཁྱི་རྒན་དེ་ཁོས་ནམ་ཡང་སྲུང་སྐྱོབ་བྱེད་ཡུལ་ཉག་ཅིག་ཏུ་གྱུར་ནའང་། དཔལ་འབྱོར་གྱི་གཡོ་ཧམ་ཆེ་བའི་འཚོ་བའི་ཁྲོད་དུ་སྒོ་ཁྱིའི་ལས་དབང་གི་ཆེད་དུ་འཐབ་རྩོད་རབ་དང་རིམ་པ་བྱས་ཤིང་དེར་མཐུད་བློ་ཡུལ་ལས་འདས་པའི་དོན་དག་མང་པོ་ཞིག་བྱུང་བ་བརྗོད་ཡོད།

ཁང་པ་ཉོ་མཁན་ཞིག་གྲོང་མི་ཚེ་རིང་གི་ཁྱིམ་དུ་ཡོང་ནས་དེའི་མིང་འོག་གི་ཁང་པ་གོང་ཁེ་པོས་ཉོ་འདོད་ཀྱང་། ཁས་མ་བླངས་རྗེས་ཁང་པ་ཉོ་མཁན་གྱིས་མོ་འདེབས་མཁན་དང་མི་སྣ་རབ་དང་རིམ་པ་དང་ངན་འབྲེལ་བྱས་ཏེ་གྲོང་ཚོའི་ནང་འདྲེ་ཡོད་པའི་དཀྲོག་གཏམ་སྤེལ་བ་ནི་གྲོང་ཚོའི་ནང་མི་སེམས་དངངས་སྐྲག་སྐྱེས་པ་ཞིག་ཏུ་བསྒྱུར།འདྲེ་མོ་ཡིན་ཁུལ་བྱེད་པ་སོགས་འཇིགས་སྣང་སྐུལ་བའི་བྱེད་སྤྱོད་རབ་དང་རིམ་པ་སྤེལ་ནས་ཁང་པ་གོང་ཁེ་པོས་ཉོ་ཐུབ་པ་བྱུང་ཡོད།མཐར་གྲོང་ཚོའི་ནང་གི་ལས་དོན་མི་སྣས་བཟུང་ནས་དེའི་ཉེས་གསོག་བརྒྱུད་རིམ་རྩིས་སྤྲོད་བྱས་པ་དང་མཐར་ལ་ལའི་རྐྱེན་གྱིས་ཆད་པ་ཕོག་པ་རེད།གློག་བརྙན་འདིས་གཏམ་རྒྱུད་འདི་བརྒྱུད་ནས་མགོ་སྐོར་ལ་ངོ་རྒོལ་བྱེད་པའི་ཉེན་བརྡའི་དམིགས་ཡུལ་འགྲུབ་པ་དང་ལྟད་མོ་བ་ཚང་མར་མགོ་སྐོར་ལ་ངོ་རྒོལ་བྱེད་པའི་གལ་ཆེའི་རང་བཞིན་ཤེས་སུ་བཅུག

གངས་ལྷ་མེ་ཏོག་ནི་བོད་ཀྱི་མེ་ཏོག་གཅིག་དང་རི་མོ་གཅིག་གླུ་དབྱངས་གཅིག་ཨར་ཁང་གཅིག་བུད་མེད་གཅིག་བཅས་ཀྱི་མིང་ཡིན་པ་དང་གངས་ལྷ་མེ་ཏོག་ནི་དུས་རབས་ཕྱེད་ཀ་ལྷག་ཙམ་གོང་གི་ཡིད་སྐྱོ་ཞིང་ཡིད་དབང་འཕྲོག་པ་དང་འཚོལ་བ་དང་ཤོར་བའི་བརྩེ་དུང་གི་གཏམ་རྒྱུད་ཅིག་རེད།

གློག་བརྙན《ཏཱ་ནི་སྟོད་ཀྱི་ནམ་མཁའ》ནི་དམངས་ཁྲོད་གཏམ་རྒྱུད《ཉི་མ་ཚེ་རིང་དང་ཟླ་བཟང་སྒྲོལ་མ》གཞིར་བྱས་ནས་བཅོས་སྒྲིག་བྱས་པའི་གློག་བརྙན་ཞིག་གོ།།