གེ་སར་འཆམ།
རྩྭ་ཐང་ཐོག་གི་ཕྲུ་གུ་བཀྲ་རྡོར་ལ་ཆུང་དུས་ནས་ཕ་རབས་ཀྱི་ཤུགས་རྐྱེན་ཐེབས་ནས་གེ་སར་གྱི་རིག་གནས་ལ་དགའ་ཞེན་དང་གེ་སར་གྱི་འཆམ་སེམས་ཆགས་ཏེ་གར་སྟེགས་ཐོག་་གེ་སར་་གྱི་འཆམ་འཁྲབ་རྒྱུའི་བསམ་འདུན་བཅངས།
རིམ་བསྒྲིག
འཚོལ།
གློག་བརྙན་འདིའི་ནང་དུ་འཁྲབ་ཁྲིད་པ་དང་བརྙན་ལེན་པ་ཞིག་སྦྱིན་བདག་ཞིག་གི་སྣེ་ཁྲིད་འོག་དྲི་མེད་ཀུན་ལྡན་འཁྲབ་མཁན་གྱི་འཁྲབ་སྟོན་པ་ཞིག་འཚོལ་དུ་སོང་བའི་བརྒྱུད་རིམ་བརྗོད་ཡོད་ཅིང་། འཁྲབ་སྟོན་པ་འོས་འཚམ་ཞིག་འཚོལ་ཆེད་བརྙན་ལེན་ཚོ་ཆུང་རྣམ་ཐར་འཆམ་སའི་སྡེ་བ་དང་དགོན་པ། གྲོང་བརྡལ་སོགས་ས་ཆ་མང་པོ་ཞིག་ཏུ་སོང་ཞིང་འཁྲབ་ཁྲིད་པས་དྲི་མེད་ཀུན་ལྡན་གྱི་བཙུན་མོ་འཁྲབ་མཁན་གྱི་བུ་མོ་ཞིག་རྙེད་ནའང་ཁོ་མོས་མགོ་དཀྲིས་གྱོན་ཡོད་པས་བུ་མོའི་བྱད་བཞིན་མཐོང་མི་ཐུབ། བུ་མོས་ཁོ་ཚོར་བཙུན་མོ་འཁྲབ་རྒྱུར་ཁས་བླངས་ནའང་ཁོ་མོའི་སྔོན་ཆད་ཀྱི་དགའ་རོགས་ལ་འཕྲད་དགོས་པའི་རེ་བ་བཏོན་པས། འཁྲབ་ཁྲིད་ཚོ་ཆུང་གིས་ཁོ་མོའི་རེ་བ་དེ་དང་དུ་བླངས། ཁོ་མོའི་སྔོན་ཆད་ཀྱི་དགའ་རོགས་འཚོལ་བའི་ལམ་བར་དུ་སྦྱིན་བདག་གིས་ཁོ་ཚོར་ཁོ་རང་གི་ཆེས་ཐོག་མའི་བརྩེ་དུང་གི་གཏམ་རྒྱུད་བཤད་པས་བུ་མོ་དང་བཅས་པའི་ཁོ་ཚོ་ཚང་མ་ཡིད་འགུལ་ཐེབས། བརྩེ་དུང་གི་གཏམ་རྒྱུད་དེ་བར་བཅུག་གི་ཚུལ་དུ་བརྗོད་ཡོད། བུ་མོ་དེ་སྔོན་ཆད་ཀྱི་དགའ་རོགས་དང་འཕྲད་ཅིང་སླར་ཡང་ཁོ་དང་ཁ་བྲལ་ནས་ཕ་ཡུལ་དུ་ལོག་པའི་གཏམ་རྒྱུད་ཅིག་བརྗོད་ཡོད།
གཙང་བོ།
ཨ་མ་རིན་སྒྲོལ་ལ་ཡང་བསྐྱར་མངལ་སྦྲུམ་ནས་བྱིས་པ་སྐྱེ་རག་བར་གྱི་དུས་ཚིགས་ཀྱི་འགྱུར་བ་གཞིར་བྱས་ཏེ། བུ་མོ་ཆུང་ཆུང་དབྱངས་ཅན་ལྷ་མོའི་མིག་ནང་གི་ཨ་མྱེས་དང་ཨ་ཕ་གུ་རུ་གཉིས་ཀྱི་མངོན་ལྐོག་གི་འབྲེལ་བ་དང་། དེ་བཞིན་མོ་དང་ཨ་ཕའི་བར་གྱི་ཐོགས་རེག་བྲལ་བའི་ནང་སེམས་ཀྱི་འགལ་འདུ་དང་བརྩེ་བ་གཙོ་བོར་བྱས་པའི་ཕལ་བའི་ཁྱིམ་ཚང་ཞིག་གི་སྐྱིད་སྡུག་བརྗོད་ཡོད། འདི་ནི་ཕ་མ་བཟའ་ཚང་བར་གི་བརྩེ་བ་དང་འདུ་འབྲལ་གཙོ་བོར་སྟོན་པའི་གློག་བརྙན་ཞིག་ཡིན་ལ། གློག་བརྙན་དུ་ས་མ་འབྲོག་གི་ཁྱིམ་ཚང་ཕལ་བ་ཞིག་གི་མི་རབས་གསུམ་བར་གྱི་བརྩེ་བ་དང་འདུ་བྲལ་ལ་རྐྱེན་བྱས་པའི་བཟའ་འཁོན་དང་། འཚོ་བའི་ཁྲོད་ཀྱི་དཀའ་ཚེགས་དང་རེ་སྨོན་སོགས་གཟུགས་ཅན་དུ་མཚོན་པར་བྱས་ཡོད།
ཧི་མ་ལ་ཡ།
གློག་བརྙན་འདིའི་གཟུགས་བརྙན་གྱི་ཉམས་འགྱུར་ཧ་ཅང་མཛེས་ཤིང་ཡིད་དབང་འཕྲོག་པ་དང་། ལྷ་མོ་དང་འདྲ་བའི་བོད་གསང་ལེགས་སྦྱར་གྱི་སྒྲ་ཐོག་མཐའ་བར་གསུམ་དུ་ཁྱབ་ཡོད་པས་མི་རྣམས་སེམས་སུ་སྣང་བ་སྐྱིད་པོ་ཡོང་།
རྫ་འདབས་ཀྱི་མི་རྒོད།
གློག་བརྙན་འདིའི་འཁྲབ་གཞུང་དམངས་ཁྲོད་དངོས་བྱུང་གཏམ་རྒྱུད༼ཡི་དྭགས་སྐེ་ལ༽་གཞིར་བཟུང་ནས་བཅོས་སྒྲིག་བྱས་པ་ཡིན་ཞིང་།གློག་བརྙན་འདིར་སྤྱི་ཚོགས་སྙིང་བའི་སྐབས་ཀྱི་ཡི་དྭགས་སྐེ་ལ་ནི་འབངས་ལ་བྱམས་ཤིང་བཙན་ལ་སྡང་བ། དཔའ་ངར་ལྡན་པའི་དཔའ་བོ་ཞིག་གི་མངར་ལ་སྐྱུར་བའི་མི་ཚེ་ལོ་རྒྱུས་དང་ན་གཞོན་ཕོ་མོ་ཟུང་གི་བརྩེ་དུང་བརྗོད་ཡོད།