གློག་བརྙན།

ཕུ་ལ་གྲོང་ཚོའི་གྲོང་མི་ཉི་མ་དགྲ་འདུལ་གྱིས་ཕ་གྲོངས་རྗེས། ཕའི་འདུན་པ་ལེགས་སྒྲུབ་བྱ་རྒྱུའི་ཐག་བཅད་པ་དང་ཨ་ཁུ་ཁྲིད་དེ་ལྷ་ས་དང་གངས་རིན་པོ་ཆེ་མཇལ་བར་བསྐྱོད།

སྐྱེས་པ་ཞིག་གིས་ཁྱད་དུ་འཕགས་པའམ་ཡང་ན་ལྗིད་ཏིག་ཏིག་གི་འགྲུལ་བཞུད་རིང་མོའི་ཁྲོད། ནད་ཀྱིས་གདུང་བའི་ཆུང་མའི་གསང་བར་གདོང་གཏོད་ཚུལ་དང་། ཁོའི་འཚོ་བའི་ཁྲོད་བྱིས་པ་ཆ་མེད་ཅིག་ཐོལ་གྱིས་བྱུང་བ། དེ་བཞིན་སོམ་ཉིར་ཚུད་པའི་རྙོག་འཛིང་གི་སེམས་ཁམས་དང་། འགྲུལ་བཞུད་མཇུག་རྫོགས་མཐར་ཡང་བསྐྱར་ལམ་བུ་གསར་པ་ཞིག་འཚོལ་དགོས་པའི་གནས་སྟངས་དེ་བརྗོད་ཡོད།

སྐྱེ་རྒ་ན་འཆི་ནི་མི་ཚེ་འདིར་འབྱུང་ངེས་པ་ཅིག་ཡིན་ལ་བློ་ཡུལ་ལས་འདས་པའི་དོན་ཆེ་མ་ཆུང་གསུམ་ཀྱང་མི་ཚེ་འདིར་རྒྱུན་པར་འབྱུང་བཞིན་ཡོད། གློག་བརྙན་འདིར་བདེ་སྐྱིད་ཀྱི་འཚོ་བ་རོལ་ལ་ཉེ་བའི་ཉི་མས་ལག་ཉེས་ཤིག་གིས་རང་གི་གཅེས་པའི་ཨ་མ་འཇིག་རྟེན་ཕྱི་མའི་ཡུལ་དུ་བརྫངས་པས། ཉི་མས་རང་གི་བྱས་ཉེས་འདག་ཐབས་ཀྱིས་ཁྲག་འགོས་པའི་ས་སྤར་མོ་གང་བཟུང་སྟེ་ལྷ་སར་བརྐྱངས་ཕྱག་འཚལ་ནས་ཕྱིན། ཕྱིན་ནས་ཀྱང་ལྷ་ས་དག་པའི་ཞིང་དུ་སླེབས་ཀྱང་སེམས་ཀྱི་སྡུག་བསྔལ་དང་གནོང་པ་ཡེ་ནས་དྭངས་ཐབས་མ་བྱུང་། རེ་ཆད་དང་ཕམ་ལྟུང་དུ་གྱུར་པའི་ཉི་མ་ཕྱིར་ལོག་པའི་ལམ་བར་དུ་སེམས་པ་བཟང་ཞིང་འཚོ་བའི་ཉམས་མྱོང་ཕུན་སུམ་ཚོགས་པའི་རྒད་པོ་ཞིག་དང་འཕྲད་ནས་རྒད་པོ་དེས་སྡུག་བསྔལ་གྱི་རྒྱ་མཚོ་རུ་ལྷུང་ཞིང་། སེམས་ཤུགས་མ་རྙེད་པའི་ཉི་མ་ལ་འཚོ་ཐབས་ཀྱི་གསོན་ཤུགས་གསར་པ་ཞིག་བྱིན་པ་མ་ཟད་དོན་དངོས་ཀྱི་འཚོ་བ་ལ་གདོང་གཏོད་ཐུབ་པའི་སྙིང་སྟོབས་ཤིག་ཀྱང་བསྩལ་པ་བརྗོད་ཡོད།

གློག་བརྙན་ཐང་ག་ནི་བོད་ཀྱི་སྲོལ་རྒྱུན་ཐང་གའི་སྒྱུ་རྩལ་གཙོ་བོ་རུ་བཟུང་སྟེ།ལྷ་བཟོ་བ་མཁས་ཅན་དུ་མས་ཐང་གའི་འབྲི་སྲོལ་རྒྱུན་འཛིན་བྱེད་པའི་བརྒྱུད་རིམ་ཁྲོད་བྱུང་བའི་གཏམ་རྒྱུད་ཞིབ་བརྗོད་བྱས་ཡོད།གློག་བརྙན་ནང་བོད་ཀྱི་དངོས་མིན་ཤུལ་བཞག་རིག་གནས་ཀྱི་ཐུན་མོང་མིན་པའི་དཔལ་དང་གཟི་བརྗིད་མངོན་ཞིང་།བོད་ཀྱི་སྒྱུ་རྩལ་པས་སྲོལ་རྒྱུན་སྒྱུ་རྩལ་རིག་གནས་ལ་བཟུང་པའི་ཆོད་སེམས་མཚོན་པར་བྱས་ཡོད།

གློག་བརྙན་འདིའི་ནང་དུས་རབས་༢༠པའི་ལོ་རབས་༩༠ཡི་ལོ་མཇུག་ཏུ་བོད་ཁུལ་གྱི་ས་ཆ་ག་གེ་མོ་ཞིག་ཏུ་བུ་ཡིས་ཨ་ཕའི་གཅེས་སུ་འོས་པའི་ཁྱི་རྒན་དེ་ཁོང་ལ་ཤེས་སུ་མ་བཅུག་པར། ས་གནས་ཀྱི་ཁྱི་ཚོང་པ་ཞིག་ལ་བཙོང་རྒྱུར་ཐག་བཅད་པ་ཨ་ཕས་ཤེས་རྗེས་མྱུར་དུ་རྗེས་དེད་དེ་ཁྱི་རྒན་དེ་ཕྱིར་ལོན་ཐབས་བྱས། དེ་ནས་བཟུང་ཁྱི་རྒན་དེ་ཁོས་ནམ་ཡང་སྲུང་སྐྱོབ་བྱེད་ཡུལ་ཉག་ཅིག་ཏུ་གྱུར་ནའང་། དཔལ་འབྱོར་གྱི་གཡོ་ཧམ་ཆེ་བའི་འཚོ་བའི་ཁྲོད་དུ་སྒོ་ཁྱིའི་ལས་དབང་གི་ཆེད་དུ་འཐབ་རྩོད་རབ་དང་རིམ་པ་བྱས་ཤིང་དེར་མཐུད་བློ་ཡུལ་ལས་འདས་པའི་དོན་དག་མང་པོ་ཞིག་བྱུང་བ་བརྗོད་ཡོད།

ང་བྱིས་པའི་དུས་ནས་བཟུང་ལུག་རྫི་ཡིན་པའི་ཐར་ལོ་ལ་དྲན་ཤེས་བརྟན་པོ་ཞིག་ཡོད་དེ། མི་དམངས་ལ་ཞབས་འདེགས་ཞུ་བ་ཞེས་པའི་རྩོམ་དེ་ཤར་མར་བློར་སྐྱོར་ཐུབ། ཉིན་ཞིག་རལ་བ་བཞག་ཡོད་པའི་ལུག་རྫི་ཐར་ལོ་དགོས་དབང་གིས་མཁར་གྲོང་དུ་ཐོབ་ཐང་ལག་འཁྱེར་བཟོ་རུ་སོང་བ་དང་། མཁར་གྲོང་གི་སྐྲ་བཞར་མཁན་གཡང་མཚོ་དང་འཕྲད་ནས་ཁོ་རང་བརྩེ་དུང་གི་དབང་དུ་ཤོར་བས། བདག་པོའི་ལུག་ཡོད་ཚད་བཙོངས་ནས་སྒོར་ཁྲི་བཅུ་དྲུག་ལ་བརྗེས་རྗེས་གཡང་མཚོར་བཅོལ། དེ་དང་མཉམ་དུ་རང་ཉིད་ཀྱི་མཚོན་རྟགས་རལ་བ་ཡང་དུམ་སེར་གཅོད་དུ་བཅུག གཡང་མཚོས་སྒོར་མོ་འཁྱེར་ནས་གར་སོང་ཆ་མེད་དུ་གྱུར་པ་ཤེས་རྗེས་ཐར་ལོས་རང་ཉིད་ལ་མགོ་སྐོར་ཐེབས་པ་ཤེས། ཁོའི་དཀར་པོ་མིན་ན་ནག་པོ་ཡིན་པའི་འཇིག་རྟེན་དེ་རྨང་ནས་འཇིག་འགོ་བརྩམས་པས་འཇིག་རྟེན་གསར་རྙིང་གཉིས་ཀྱི་བར་ནས་ཁོ་རང་ཅི་བྱ་གཏོལ་བྲལ་དུ་ལུས་ཤིང་། ཁོའི་གར་འགྲོ་འདིར་འགྲོ་མེད་པའི་ལས་དབང་སྐྱོ་བོ་དེ་བརྗོད་ཡོད།

གློག་བརྙན་འདི་ནི་སྒྲུང་གཏམ་པ་གྲགས་ཅན་ཚེ་རིང་ནོར་བུའི་སྒྲུང་ཐུང་«ལག་དམར»དང་འཁྲབ་ཁྲིད་པ་ཁོང་གི་«ལུག་གཅིག་ལྔ་ལམ་དུ་བརྫངས་པ»གཉིས་འཁྲབ་གཞུང་དུ་བཅོས་སྒྲིག་བྱས་པ་ཞིག་ཡིན་ལ། གློག་བརྙན་འདིར་མིང་ལ་སྦྱིན་པ་རུ་འབོད་པའི་ཕོ་གསར་གཉིས་དངོས་ཡོད་དང་རྨི་ལམ་ཁྲོད་བར་མེད་དུ་འགྲིམ་ཞིང་འཁྲལ་འཁྲུལ་དུ་ལུས་པའི་མི་ཚེའི་ཁྲོད་དུ་རང་ཉིད་འཚོལ་བའི་གཏམ་རྒྱུད་ཅིག་བརྗོད་ཡོད།

སྤྱིར་ཡིན་ན་དར་རྒྱས་ཁྱིམ་མི་གང་བོས་རྒྱུན་ལྡན་གྱི་འཚོ་བ་ཞིག་རོལ་བཞིན་ཡོད་མོད། འོན་ཀྱང་སྤྱིར་བཏང་གི་སྦྲུམ་འགོག་སྲུང་ཤུབས་ཤིག་གིས་ཁྱིམ་མི་གང་བོ་ག་བྱེད་འདི་བྱེད་མེད་པར་ཐབས་ཟད་འུ་ཐུག་གི་གནས་སུ་བསྐྱལ། ཡང་སྐབས་དེར་རང་གི་ཨ་ཕ་འདས་གྲོངས་སུ་ཕྱིན་པས་མ་གཞི་ནས་ལྷིང་ཞིང་འཇགས་པའི་འཚོ་བ་དེ་ཁད་ཀྱིས་དཀྲོགས་ཤིང་། དེ་དང་བསྟུན་དང་ལེན་དང་གདམ་ང་ཇི་ལྟར་བྱེད་མིན་གྱི་གནད་དོན་རབ་དང་རིམ་པ་ཞིག་ལ་འཕྲད་པའི་འཚོ་བའི་གནས་སྟངས་ཤིག་བརྗོད་ཡོད།

མཚོ་སྔོན་གྱི་གཅན་ཚ་ས་ཁུལ་གྱི་ལྷ་ལུང་གྲོང་ཚོ་དང་སྟག་མོ་གྲོང་ཚོ་མི་རབས་ནས་མི་རབས་བར་མཛའ་མཐུན་ཡོད་ལུགས་བརྗོད་པ་དང་གྲོང་ཚོ་གཉིས་ལ་སྔར་ནས་བཟུང་སྲོལ་རྒྱུན་གྱི་མདའ་འཕེན་འགྲན་བསྡུར་གྱི་གོམས་སྲོལ་་་་་་

གུང་ཧོ་རྫོང་གིས་གློག་བཪྙན་གྱི་ཕྱི་ལྗོངས་པར་ལེན་རྟེན་གཞི་བཙུགས་པའི་བྱིས་པའི་བརྗོད་བྱའི་ཕ་སྐད་གློག་བཪྙན་ཐོག་མ་དེ་ཡིན།

ཧི་མ་ལ་ཡའི་རི་རྒྱུད་ཀྱི་མཐའ་མཚམས་བརྟན་སྲུང་བྱས་ཡོད་ཅིང་། ཀྲུང་གོ་དང་རྒྱ་གར་གཉིས་ཀྱི་མཐའ་མཚམས་ཏེ་ཡུལ་སྨད་ཤང་གིས་རྒྱལ་ཁབ་གྱི་མཐའ་མཚམས་བརྟན་སྲུང་བྱས་པའི་བློ་བརྟན་འགྱུར་མེད་ཀྱི་བསམ་བློས་ཀྲུང་གོའི་མི་ཡོངས་ལ་སེམས་འགུལ་ཐེབས་སུ་བཅུག་པ་བརྗོད་ཡོད།

གློག་བརྙན་ནང་བརྗོད་པ་ནི་གྲྭ་པ་རེ་རེ་དང་དགོན་པ་རེ་རེ། རི་བོ་རེ་རེ། མི་ཁྱུ་རེ་རེ་བཅས་ཀྱི་གཏམ་རྒྱུད་རེད།

གློག་བརྙན་འདིའི་གཟུགས་བརྙན་གྱི་ཉམས་འགྱུར་ཧ་ཅང་མཛེས་ཤིང་ཡིད་དབང་འཕྲོག་པ་དང་། ལྷ་མོ་དང་འདྲ་བའི་བོད་གསང་ལེགས་སྦྱར་གྱི་སྒྲ་ཐོག་མཐའ་བར་གསུམ་དུ་ཁྱབ་ཡོད་པས་མི་རྣམས་སེམས་སུ་སྣང་བ་སྐྱིད་པོ་ཡོང་།

གློག་བརྙན་འདིའི་འཁྲབ་གཞུང་དམངས་ཁྲོད་དངོས་བྱུང་གཏམ་རྒྱུད༼ཡི་དྭགས་སྐེ་ལ༽་གཞིར་བཟུང་ནས་བཅོས་སྒྲིག་བྱས་པ་ཡིན་ཞིང་།གློག་བརྙན་འདིར་སྤྱི་ཚོགས་སྙིང་བའི་སྐབས་ཀྱི་ཡི་དྭགས་སྐེ་ལ་ནི་འབངས་ལ་བྱམས་ཤིང་བཙན་ལ་སྡང་བ། དཔའ་ངར་ལྡན་པའི་དཔའ་བོ་ཞིག་གི་མངར་ལ་སྐྱུར་བའི་མི་ཚེ་ལོ་རྒྱུས་དང་ན་གཞོན་ཕོ་མོ་ཟུང་གི་བརྩེ་དུང་བརྗོད་ཡོད།