ལག་དམར།

ཨ་མ་རིན་སྒྲོལ་ལ་ཡང་བསྐྱར་མངལ་སྦྲུམ་ནས་བྱིས་པ་སྐྱེ་རག་བར་གྱི་དུས་ཚིགས་ཀྱི་འགྱུར་བ་གཞིར་བྱས་ཏེ། བུ་མོ་ཆུང་ཆུང་དབྱངས་ཅན་ལྷ་མོའི་མིག་ནང་གི་ཨ་མྱེས་དང་ཨ་ཕ་གུ་རུ་གཉིས་ཀྱི་མངོན་ལྐོག་གི་འབྲེལ་བ་དང་། དེ་བཞིན་མོ་དང་ཨ་ཕའི་བར་གྱི་ཐོགས་རེག་བྲལ་བའི་ནང་སེམས་ཀྱི་འགལ་འདུ་དང་བརྩེ་བ་གཙོ་བོར་བྱས་པའི་ཕལ་བའི་ཁྱིམ་ཚང་ཞིག་གི་སྐྱིད་སྡུག་བརྗོད་ཡོད། འདི་ནི་ཕ་མ་བཟའ་ཚང་བར་གི་བརྩེ་བ་དང་འདུ་འབྲལ་གཙོ་བོར་སྟོན་པའི་གློག་བརྙན་ཞིག་ཡིན་ལ། གློག་བརྙན་དུ་ས་མ་འབྲོག་གི་ཁྱིམ་ཚང་ཕལ་བ་ཞིག་གི་མི་རབས་གསུམ་བར་གྱི་བརྩེ་བ་དང་འདུ་བྲལ་ལ་རྐྱེན་བྱས་པའི་བཟའ་འཁོན་དང་། འཚོ་བའི་ཁྲོད་ཀྱི་དཀའ་ཚེགས་དང་རེ་སྨོན་སོགས་གཟུགས་ཅན་དུ་མཚོན་པར་བྱས་ཡོད།

གློག་བརྙན་འདིར་དངོས་བཤུས་ཀྱི་ཐབས་སྤྱད་ནས་དགོན་པའི་བན་དེ་ཆུང་ཆུང་ཞིག་ཕྱིར་ཕ་ཡུལ་ལ་ལོ་སར་དུ་འགྲོ་བའི་དོན་དག་ཅིག་བརྗོད་ཡོད། དགོན་པ་ནས་གྲོང་སྡེ། དེ་ནས་ཡང་བསྐྱར་དགོན་པར་ལོག་པ་བཅས་ཕར་ཚུར་ཉིན་གསུམ་རིང་ལ། མཚར་སྣང་གིས་ཁེངས་པའི་བན་དེ་ཆུང་ཆུང་ནི་བརྙན་འཕྲིན་ཟློས་གར་ལ་བལྟ་རྒྱུར་སེམས་པ་ཤོར། གློག་བརྙན་འདིས་འཇིག་རྟེན་འཁོར་བ་དང་དབེན་པའི་དགོན་པ། དངོས་ཡོད་འཚོ་བ་དང་ལྷ་སྒྲུང་། སྲོལ་རྒྱུན་རིག་གནས་དང་དེང་རབས་རིག་གནས་བཅས་ཀྱི་བར་ནས་བན་དེ་ཆུང་ཆུང་ཞིག་གི་འགལ་འདུའི་བསམ་བློ་བརྗོད་ཡོད།

ཀི་ཀྲ་རྒྱུགས་ན་རླུང་བུ་ཞིག་དང་འདྲ་བས་རྟ་རྒོད་ཟེར།གཅུང་མོ་སྒྲོལ་མའི་སྙིང་ལ་གཤགས་བཅོས་བྱས་པའི་རྐྱེན་གྱིས་འཕྲལ་དུ་སྒོར་ཁྲི་གཅིག་དགོས་ཀྱི་ཡོད་ཀྱང་ཁྱིམ་ཚང་དབུལ་པོ་ཡིན་པའི་སྐལ་བཀྲའི་ངོས་ནས་བརྗོད་ན་དེ་ནི་གནམ་དཔྱད་གྲངས་ཀ་ཞིག་དང་ཁྱད་པར་མེད།ཞིང་ཆེན་གྲོང་ཁྱེར་གྱིས་ཨོ་རྩལ་འགྲན་ཚོགས་ཀྱི་སྙིང་སྟོབས་དྲིལ་བསྒྲགས་བྱེད་པའི་རྒྱང་རྒྱུགས་འགྲན་བསྡུར་སྤེལ་བ་དང་།་ཨང་དང་པོར་བྱ་དགའི་དངུལ་སྒོར་ཁྲི་གཅིག་ཐོབ།

མི་འགྱངས་བར་གཟིགས་འབུལ་བྱེད་རྒྱུ་ཡིན་པའི་གློག་བརྙན«གསའ»ནི་ཚེ་སྲོག་དང་དད་མོས་ལ་འབྲེལ་བའི་གཏམ་རྒྱུད་ཅིག་བརྗོད་ཡོད་པ་མ་ཟད། མཐོ་སྒང་གི་ཡུལ་ལུང་འདི་རུ་སྙན་ངག་གི་ཉམས་དང་བཅས་མི་གཤིས་ཀྱི་གཏིང་ཟབ་སར་ལག་སྙོབ་བྱས་པའི་གློག་བརྙན་ཞིག་རེད།