གློག་བརྙན།

ཧི་མ་ལ་ཡའི་རི་རྒྱུད་ཀྱི་མཐའ་མཚམས་བརྟན་སྲུང་བྱས་ཡོད་ཅིང་། ཀྲུང་གོ་དང་རྒྱ་གར་གཉིས་ཀྱི་མཐའ་མཚམས་ཏེ་ཡུལ་སྨད་ཤང་གིས་རྒྱལ་ཁབ་གྱི་མཐའ་མཚམས་བརྟན་སྲུང་བྱས་པའི་བློ་བརྟན་འགྱུར་མེད་ཀྱི་བསམ་བློས་ཀྲུང་གོའི་མི་ཡོངས་ལ་སེམས་འགུལ་ཐེབས་སུ་བཅུག་པ་བརྗོད་ཡོད།

བོད་ལྗོངས་ཀྱི་ནགས་ཚལ་སྟུག་པོ་ཞིག་གི་ཁྲོད་སྡིག་ལས་གྲངས་མེད་བྱེད་པའི་རྔོན་པ་ཐར་བྷེ༼ སྦྱིན་པས་འཁྲབ༽ ཡིས་ཤ་བ་ཞིག་བསད་པ་དང་ཤ་བ་དེའི་ཁོག་ནས་རིན་པོ་ཆེ་ཞིག་རེྙེད་མ་ཐག་སྐད་ཅིག་མའི་གློག་དམར་ཞིག་གིས་ཁོ་བོ་འཚལ་བར་བཏང་།བླ་ཆེན་བཀྲ་ཐོ་ཡིས་གཤིན་པོ་ཐར་བྷའི་རྣམ་ཤེས་བདེ་བ་ཅན་ནས་ཕྱིར་དྲངས་པར་མ་ཟད་ཁོའི་ལག་གི་རིན་པོ་ཆེ་དེ་ནི་གནམ་རྒན་མའི་མི་ཡུལ་ལ་གནང་བའི་དངོས་བོ་ཡ་མཚན་ཅན་ཞིག་རེད། ཞོར་དུ་རིན་ཆེན་དངོས་བོ་ཐོབ་པའི་མི་དེ་ལ་དངོས་བོ་དེ་ཨོ་རྒྱན་རིན་པོ་ཆེའི་ཕྱག་ཏུ་འབུལ་བའི་འོས་འགན་ཡོད་ཅེས་གསུངས་པ་རེད།དེ་བས་བླ་མའི་མཛུབ་སྟོན་ལྟར་རང་ཉིད་ཀྱི་སྔར་བྱས་ལ་འགྱོད་པ་དང་སྡིག་པ་དག་ཆེད་དབུས་ལ་ཆས་པ་རེད།ལམ་བར་དུ་དགག་རྐྱེན་མང་པོར་འཕྲད་པར་མ་ཟད་ཁོས་ཁེར་རྐྱང་གི་ལུག་རྫི་བུ་མོ་ཁྱུང་ ༼ ཆོས་ཉིད་ཚེ་རིང་གིས་འཁྲབ ༽ དང་སྤྱང་གྲུང་ལྡན་པའི་ལྐུག་པ་ཆུང་ཆུང་འཕགས ༼ ཡེ་ཤེས་བསྟན་འཛིན་གྱིས་འཁྲབ ༽ གཉིས་ངོ་ཤེས་ཏེ་མཉམ་དུ་སོང་བ་ན་ཆག་འཇིག་དང་ཉེན་ཁས་བརྟས་པའི་ལམ་ཐག་རིང་བོ་ཁེར་ཧྲང་མིན་པའི་སྣང་བ་སྐྱེས།ལམ་བར་དུ་འཁོན་སེམས་ཀྱིས་ཁེངས་པའི་སྤོས་ཐར་སྤུན་ཟླ་གཉིས་དང་རིན་པོ་ཆེར་དམིགས་པའི་མི་དག་གིས་ཕྱོགས་སོ་སོ་ནས་ཁོ་ཚོ་འདེད་གསོད་བྱེད་ཀྱིན་ཡོད་པས་ཉེན་ཁ་ཧ་ཅང་ཆེ།དེ་རྗེས་ལྐོག་གྱུར་གྱི་མི་སྣ་དགེ་ལྡན་ལྷང་ལ་འབུད་སྟངས་དེས་གཏམ་རྒྱུད་ལ་རྒྱུ་འཕྲུལ་གྱི་རྣམ་པ་དང་།དོན་དངོས་དང་འཕྲུལ་སྣང་བསྐྱར་ཟློས་ལོགས་ལུས་ཀྱི་རྣམ་པ་བསྣན་ཡོད།ཉེན་ཁ་གང་མང་དང་།ཞེ་འཁོན་ཡོད་ཚད།སྲ་མཁྲེགས་ཀྱི་རང་གཤིས།སྡིག་པ་མཐའ་དག་ནི་འཁོར་བའི་ཀློང་ནས་རྟོགས་སད་དང་སྡུག་བསྔལ་ལས་ཐར་བ་བསྟན་ཡོད་དོ།།

གཏམ་རྒྱུད་ནི་རྗེས་དཔག་རིང་ལུགས་ཀྱི་བོད་རིགས་ལས་གཏོད་གཞོན་ནུ་ཅན་བསྟན་འཛིན་ནེ་པ་ལའི་ཀོག་ཧྥེ་ཁང་ཡག་ཤོས་ཤིག་འཛུགས་རྒྱུའི་བསམ་བློ་འཁོར་གྱི་ཡོད་པ་དང་ནུས་ཤུགས་ཡོད་རྒུས་དང་ཕུགས་འདུན་དོན་གཉེར་བྱེད་སྐབས། གློ་བུར་དུ་ཐོན་པའི་ཡ་མཚན་གྱི་རྨི་ལམ་ངན་པ་དང་འཕྲུལ་སྣང་གིས་རྙོག་དྲ་བཟོས་པས། ཁོང་གི་གྲོགས་པོ་དང་ལུང་སྟོན་པ་ཚང་མས་དེ་ནི་འཆི་ཁར་ཐུག་པ་དང་བཀྲ་མི་ཤིས་པའི་སྔ་ལྟས་ཤིག་རེད་ཅེས་ཐ་ཚིག་བསྒྲགས་རེད།

གུང་ཧོ་རྫོང་གིས་གློག་བཪྙན་གྱི་ཕྱི་ལྗོངས་པར་ལེན་རྟེན་གཞི་བཙུགས་པའི་བྱིས་པའི་བརྗོད་བྱའི་ཕ་སྐད་གློག་བཪྙན་ཐོག་མ་དེ་ཡིན།

འདི་ནི་མིའི་ནང་སེམས་ཀྱི་འཇིག་རྟེན་འཚོལ་ཞིབ་བྱེད་པའི་གློག་བརྙན་ཞིག་རེད།གློག་བརྙན་འདིའི་ནང་དུ་མི་སྣའི་འཁྲབ་ཚིག་གཅིག་ཀྱང་མེད།བལྟ་བྱ་ཉན་བྱའི་སྐད་ཆས་གཏམ་རྒྱུད་བཤད་པའི་འཚོལ་ཞིབ་རང་བཞིན་གྱི་གློག་བརྙན་ཞིག་གོ།།

གློག་བརྙན་འདིའི་ནང་དུ་མི་སྣ་གཙོ་བོ་གྲྭ་རྐྱང་བསྟན་འཛིན་གྱིས་བརྐྱངས་ཕྱག་འཚལ་ནས་ལྷ་སར་འགྲོ་བའི་ལམ་བར་དུ་བགྲེས་པོ་མཇལ་སྐོར་བ་ཕ་བུ་གཉིས་དང་འཕྲད་ནས་རང་གི་འདས་དོན་མཐའ་དག་སྟེ། ཆུང་མ་རྐྱེན་ལམ་དུ་ཤོར་རྗེས་ཁོ་རང་གིས་ཡང་བསྐྱར་མི་ཚེའི་ལམ་བུ་ལ་གདམ་ཀ་ཇི་ལྟར་བྱས་ཚུལ་དང་། ཁོ་རང་བགྲོད་ཀྱིན་པའི་རྐང་འོག་གི་ས་ལམ། དེར་མ་ཟད། བར་དོ་རུ་འགྲིམས་པའི་ཆུང་མ་དང་མི་ཡུལ་དུ་བཙའ་ལ་ཉེ་སྐབས་རྐྱེན་ལམ་དུ་ཤོར་བའི་བུ་ཕྲུག་གི་ཕྱི་མའི་ལམ་བུ་སོགས། སྐྱེས་མ་ཐག་ནས་རྙེད་ཟིན་པའི་ལམ་བུ་དང་འཆི་ཁར་ད་དུང་ཡང་རྙེད་མེད་པའི་ལམ་བུ་འདི་ལ་ཡང་སྙིང་གདམ་ཀ་ཇི་ལྟར་བྱེད་མིན་བརྗོད་ཡོད།

མཚོ་སྔོན་གྱི་གཅན་ཚ་ས་ཁུལ་གྱི་ལྷ་ལུང་གྲོང་ཚོ་དང་སྟག་མོ་གྲོང་ཚོ་མི་རབས་ནས་མི་རབས་བར་མཛའ་མཐུན་ཡོད་ལུགས་བརྗོད་པ་དང་གྲོང་ཚོ་གཉིས་ལ་སྔར་ནས་བཟུང་སྲོལ་རྒྱུན་གྱི་མདའ་འཕེན་འགྲན་བསྡུར་གྱི་གོམས་སྲོལ་་་་་་

བོད་ཡུལ་གྱི་རོང་ཕྱོགས་ས་ཁུལ་ན་འཚོ་བ་རོལ་བཞིན་པའི་བྱིས་པ་དབང་གྲགས་ཀྱིས་ནམ་རྒྱུན་མཛེས་ཤིང་ཡིད་དུ་འོང་བའི་ཆུ་ལྷམ་ཆ་གཅིག་ཐོབ་པར་རེ་ཞིང་། དེ་ལྟར་ཡུན་རིང་བསྒུགས་པའི་མཐའ་མར་ཁོའི་རེ་བ་དོན་ཐོག་ཏུ་སྨིན་སྟེ་ཆུ་ལྷམ་ཆ་གཅིག་ཐོབ་སོང་ནའང་། ཆར་བ་དུས་ཐོག་ཏུ་མ་བབས་པས། ཆར་ཞིག་འབབ་པའི་རེ་བ་ལས་བྱུང་བའི་དགོད་བྲོ་ལ་ངུ་ཡང་སྐྱེན་པའི་གཏམ་རྒྱུད་ཅིག་ཡིན།

རི་འཛེག་མཁན་ཚང་མར་གདུག་རྩུབ་ཆེ་བའི་རི་མཐོའི་ཆོས་ཉིད་ཅིག་འཕྲད་ཡོད་པ་སྟེ་རྒྱ་མཚོའི་ངོས་ལས་མཐོ་ཚད་སྟོང་སྨི་8ལས་བརྒལ་ཚེ་དོན་རྐྱེན་ཐོན་པའི་རུ་མི་དང་ཡང་ན་གཉེན་ཉེར་"་མཐོང་ཡང་མ་བསྐྱབས་པ་"་ལས་བྱུང་བའི་མི་གཤིས་ཀྱི་གདོང་གཏུག་དང་མི་ཆོས་ཀྱི་འགལ་བ་ནི་བློ་གསལ་དོན་རྟོགས་ཤིག་རེད།

སྤྱིར་ཡིན་ན་དར་རྒྱས་ཁྱིམ་མི་གང་བོས་རྒྱུན་ལྡན་གྱི་འཚོ་བ་ཞིག་རོལ་བཞིན་ཡོད་མོད། འོན་ཀྱང་སྤྱིར་བཏང་གི་སྦྲུམ་འགོག་སྲུང་ཤུབས་ཤིག་གིས་ཁྱིམ་མི་གང་བོ་ག་བྱེད་འདི་བྱེད་མེད་པར་ཐབས་ཟད་འུ་ཐུག་གི་གནས་སུ་བསྐྱལ། ཡང་སྐབས་དེར་རང་གི་ཨ་ཕ་འདས་གྲོངས་སུ་ཕྱིན་པས་མ་གཞི་ནས་ལྷིང་ཞིང་འཇགས་པའི་འཚོ་བ་དེ་ཁད་ཀྱིས་དཀྲོགས་ཤིང་། དེ་དང་བསྟུན་དང་ལེན་དང་གདམ་ང་ཇི་ལྟར་བྱེད་མིན་གྱི་གནད་དོན་རབ་དང་རིམ་པ་ཞིག་ལ་འཕྲད་པའི་འཚོ་བའི་གནས་སྟངས་ཤིག་བརྗོད་ཡོད།

ཨོ་རྒྱན་ནི་འབྲུག་པའི་ན་གཞོན་དགེ་རྒན་ཞིག་ཡིན། འོན་ཀྱང་ཁོས་དཔེ་ཁྲིད་བྱེད་མི་འདོད།་དེ་ལས་ལྡོག་སྟེ་ཡོབ་གླིང་ལ་འགྲོ་འདོད་པ་དང་། གླུ་བ་འཁྱམ་པོ་ཞིག་ཏུ་འགྱུར་འདོད་པ་རེད །སློབ་གསོ་པུའུ་ཡིས་ཁོ་ལ་སེམས་གསོ་བྱེད་ཆེད་ཁོ་རང་འཛམ་གླིང་གི་ཆེས་མཐོ་བའི་སློབ་གྲྭར་དགེ་རྒན་བྱེད་དུ་མངགས།

དབྱར་ཁའི་གུང་གསེང་རིང་ཟླ་བ་ལྷ་སར་ལོག་ནས་ལོ་མང་མཐོང་རྒྱུ་མེད་པའི་སྤོ་བོ་ལགས་དང་རྨོ་བོ་ལགས་ལ་ལྟ་བར་ཡོང་སྐབས་སྤོ་བོ་ལགས་ལ་ནད་གཞི་ལྕི་པོ་ཕོག་ནས་གྲོངས་པའི་གནས་ཚུལ་འཕྲད་བཞིན་ཡོད། ནད་པར་ལྟ་སྐྱོང་དང་འདས་མཆོད་སྒྲུབ་པའི་བརྒྱུད་རིམ་ནང་རྨོ་བོ་ཡེ་ཤེས་སྒྲོལ་མས་ཁོ་མོར་རང་ཉིད་ཀྱི་ཀྱག་ཀྱོག་གི་མི་ཚེ་གང་པོ་བརྗོད་པ་དང་ལོ་ལྔ་བཅུའི་རིང་ཁོ་མོ་དང་སྐྱེས་པ་གསུམ་དབར་གྱི་དགའ་སྡང་དང་ཞེ་འཁོན་བརྗོད་པ་རེད་། བགྲེས་སོང་ཡེ་ཤེས་སྒྲོལ་མའི་ཚེ་གང་གི་གཉེན་སྒྲིག་དང་དགའ་སྡང་གི་མྱོང་བ་དམིགས་བསལ་མིན་པར་མི་རིགས་ཁག་དང་དུས་རབས་ཁག་གི་འཚོ་བའི་ཁྲོད་རྟག་ཏུ་འཕྲད་ཀྱི་ཡོད། འོན་ཀྱང་དུས་རབས་ཕྱེད་ཀའི་རིང་བོད་ས་ཁུལ་དུ་ཞིང་བྲན་ལམ་ལུགས་ནས་དེང་རབས་སྤྱི་ཚོགས་བར་གྱི་འཕོ་འགྱུར་ཆེན་པོ་དང་དེ་བཞིན་བོད་མི་རིགས་ཀྱི་ཐུན་མོང་མ་ཡིན་པའི་ཆོས་ལུགས་རིག་གནས་དང་ལས་དབང་དང་འཁོར་བའི་དད་མོས་ཀྱི་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་སྙིང་སྟོབས་ཀྱིས་ཁོང་གི་གཏམ་རྒྱུད་ལ་ཕུན་སུམ་ཚོགས་པ་དང་ཐུན་མོང་མ་ཡིན་པའི་མཛེས་དཔྱོད་ཀྱི་རིན་ཐང་ལྡན་ཡོད།

གློག་བརྙན་འདི་ནི་སྒྲུང་གཏམ་པ་གྲགས་ཅན་ཚེ་རིང་ནོར་བུའི་སྒྲུང་ཐུང་«ལག་དམར»དང་འཁྲབ་ཁྲིད་པ་ཁོང་གི་«ལུག་གཅིག་ལྔ་ལམ་དུ་བརྫངས་པ»གཉིས་འཁྲབ་གཞུང་དུ་བཅོས་སྒྲིག་བྱས་པ་ཞིག་ཡིན་ལ། གློག་བརྙན་འདིར་མིང་ལ་སྦྱིན་པ་རུ་འབོད་པའི་ཕོ་གསར་གཉིས་དངོས་ཡོད་དང་རྨི་ལམ་ཁྲོད་བར་མེད་དུ་འགྲིམ་ཞིང་འཁྲལ་འཁྲུལ་དུ་ལུས་པའི་མི་ཚེའི་ཁྲོད་དུ་རང་ཉིད་འཚོལ་བའི་གཏམ་རྒྱུད་ཅིག་བརྗོད་ཡོད།

ལོ་བཅུ་གཉིས་སོང་རྗེས་རི་བོ་ཧི་མ་ལ་ཡའི་འདབས་ཀྱི་ནགས་ཚལ་ནང་བདམས་ཐོན་བྱུང་བའི་མི་རྣམས་ཀྱིས་གདོང་འབག་གྱོན་ནས་ཕོ་མོའི་དབྱེ་བ་སྦས་པ་དང་འཇིག་རྟེན་པའི་ཐོབ་ཐང་བཞག་པ་དེ་ནི་ཤི་བ་ལྟ་བུའི་དུས་ཡུན་གཟའ་འཁོར་གཉིས་དང་འཇིག་རྟེན་དང་ཁ་བྲལ་བའི་ངོ་མཚར་ཆེ་བའི་སྡོམ་ཁྲིམས་ཀྱི་འཚོ་བ་སྐྱེལ།