ཨ་ཕ་ལགས།
འདི་ནི་བརྩེ་བ་དང་གྱེས་བྲལ་གྱི་ལྟ་སྟངས་ཤིག་སྟེ། མིག་འབྲས་རེ་རེ་དང་དབུགས་འབྱིན་རེ་རེར་ཚད་མེད་པའི་སེམས་ཟབ་མོ་ཞིག་གིས་ཁེངས་ཡོད། ང་ཚོའི་པར་ཆས་ཀྱི་རྗེས་སུ་འབྲངས་ནས་ཕ་དེའི་མཐའ་མའི་དུས་ཚོད་ལ་ཞུགས་ཏེ། ཤུགས་དྲག་ཆེ་ཞིང་ནང་དུ་བཀུག་པའི་ཕ་བརྩེ་དེ་ཚོར་དགོས། མི་ཚེའི་མཐའ་མཇུག་གི་ཞི་འཇམ་དང་མི་འདོད་བཞིན་པའི་གྱེས་བྲལ་དེ་མཐོང་དགོས།
གཅིག་དང་དུ་མ།
གློག་བརྙན་ནང་དུ་ཐེངས་གཅིག་ལ་གདམ་གསེས་བྱེད་པ་དང་།་ཐེངས་གཅིག་ལ་ལྗོངས་རྒྱུའི་ལམ་ཐག་དང་ཐེངས་གཅིག་རྙེད་པ་དང་། རླངས་འཁོར་ཞིག་མཚོ་སྔོན་ཡུལ་ཤུལ་གྱི་མཐོ་སྒང་དུ་དལ་གྱིས་འགྲོ་བཞིན་ཡོད། རླངས་འཁོར་ནང་དུ་བསྡད་དེ་བོད་རིགས་བྱིས་པའི་སྐད་བཟང་འཚོལ་བའི་སློབ་དཔོན་ཡིན།ཁོང་ཚོས་གངས་རིར་བསྐྱོད་ནས་སློབ་གྲྭར་འཚམས་འདྲི་བྱས་པ་དང་། བབ་ཆགས་ལྷད་མེད་ཀྱི་བྱིས་པ་དེ་དག་གི་ཁྲོད་དུ་ཆེས་ལྷན་སྐྱེས་ཀྱི་བག་ལ་ཞ་བའི་རང་བཞིན་ལྡན་པའི་སྒྲ་ཞིག་འཚོལ་བཞིན་ཡོད།
གཟི།
འདི་རང་མི་རིགས་ཀྱི་སྐད་ཡིག་དང་སྒྱུ་རྩལ་གྱི་རྣམ་པའི་ཐོག་ནས་རང་རིགས་ལ་འཚོ་བའི་ཐོག་སློབ་གསོ་ཆུང་ཆུང་ཞིག་ཐོན་རྒྱུའི་ཁུལ་ཡིན་ལ་ལྷན་རྒྱས་ནས་རྒྱབ་སྐྱོར་དང་བརྒྱུད་བསྐུར་གནང་རྒྱུར་འདུན་པ་ཤིན་ཏུ་ནས་ཆེ་ལ་ལྷན་རྒྱས་ཕྱོགས་ཐུགས་རེ་གསོལ་བའི་སྨོན་འདུན་ཞུ་རྒྱུ་ཡིན།
གསའ།
མི་འགྱངས་བར་གཟིགས་འབུལ་བྱེད་རྒྱུ་ཡིན་པའི་གློག་བརྙན«གསའ»ནི་ཚེ་སྲོག་དང་དད་མོས་ལ་འབྲེལ་བའི་གཏམ་རྒྱུད་ཅིག་བརྗོད་ཡོད་པ་མ་ཟད། མཐོ་སྒང་གི་ཡུལ་ལུང་འདི་རུ་སྙན་ངག་གི་ཉམས་དང་བཅས་མི་གཤིས་ཀྱི་གཏིང་ཟབ་སར་ལག་སྙོབ་བྱས་པའི་གློག་བརྙན་ཞིག་རེད།
ཁེ་ལས་པ།
ཡུལ་ཤུལ་ས་ཁོངས་རྒྱབ་ལྗོངས་སུ་བྱེད་པ་ནི་ཕྱོགས་ཡོངས་ནས་བོད་ས་ཁུལ་གྱི་སྤྱོད་ཚུལ་མངོན་པ་དང་དཔའ་ངར་ཆེན་པོས་ཕུགས་འདུན་དོན་གཉེར་བྱེད་པའི་རྒྱུན་འཁྱོངས་ལྷོད་མེད་ཀྱི་སྙིང་སྟོབས་ཤིག་ཡིན་པ་དང་བོད་ས་ཁུལ་གྱི་ས་ཁོངས་ཁྱད་ཆོས་མངོན་པ་དང་དུས་རབས་ཀྱི་སྙིང་སྟོབས་མངོན་པའི་བརྩམས་ཆོས་རྩེ་གྲ་ཞིག་ཡིན་པས་བོད་ཁུལ་གྱི་ཕུན་སུམ་ཚོགས་པའི་རིག་གནས་ཐོན་ཁུངས་སྔོག་འདོན་དང་།
ཀུ་ཀུའུ།༢
ཁང་པ་ཉོ་མཁན་ཞིག་གྲོང་མི་ཚེ་རིང་གི་ཁྱིམ་དུ་ཡོང་ནས་དེའི་མིང་འོག་གི་ཁང་པ་གོང་ཁེ་པོས་ཉོ་འདོད་ཀྱང་། ཁས་མ་བླངས་རྗེས་ཁང་པ་ཉོ་མཁན་གྱིས་མོ་འདེབས་མཁན་དང་མི་སྣ་རབ་དང་རིམ་པ་དང་ངན་འབྲེལ་བྱས་ཏེ་གྲོང་ཚོའི་ནང་འདྲེ་ཡོད་པའི་དཀྲོག་གཏམ་སྤེལ་བ་ནི་གྲོང་ཚོའི་ནང་མི་སེམས་དངངས་སྐྲག་སྐྱེས་པ་ཞིག་ཏུ་བསྒྱུར།འདྲེ་མོ་ཡིན་ཁུལ་བྱེད་པ་སོགས་འཇིགས་སྣང་སྐུལ་བའི་བྱེད་སྤྱོད་རབ་དང་རིམ་པ་སྤེལ་ནས་ཁང་པ་གོང་ཁེ་པོས་ཉོ་ཐུབ་པ་བྱུང་ཡོད།མཐར་གྲོང་ཚོའི་ནང་གི་ལས་དོན་མི་སྣས་བཟུང་ནས་དེའི་ཉེས་གསོག་བརྒྱུད་རིམ་རྩིས་སྤྲོད་བྱས་པ་དང་མཐར་ལ་ལའི་རྐྱེན་གྱིས་ཆད་པ་ཕོག་པ་རེད།གློག་བརྙན་འདིས་གཏམ་རྒྱུད་འདི་བརྒྱུད་ནས་མགོ་སྐོར་ལ་ངོ་རྒོལ་བྱེད་པའི་ཉེན་བརྡའི་དམིགས་ཡུལ་འགྲུབ་པ་དང་ལྟད་མོ་བ་ཚང་མར་མགོ་སྐོར་ལ་ངོ་རྒོལ་བྱེད་པའི་གལ་ཆེའི་རང་བཞིན་ཤེས་སུ་བཅུག
ལས་དབང་།༢
བོད་ཀྱི་གྲོང་གསེབ་ཁུལ་རྒྱབ་ལྗོངས་སུ་བཟུང་ནས་སེམས་འགུལ་ཐེབས་པའི་བརྩེ་དུང་གི་གཏམ་རྒྱུད་ཅིག་སྟོན་པའི་གློག་བརྙན་ཐུང་ངུ་ཞིག་ཡིན། གློག་བརྙན་དེ་ལྟ་བུས་ནམ་རྒྱུན་བོད་ཀྱི་རིག་གཞུང་དང་དམངས་ཁྲོད་ཀྱི་གོམས་གཤིས་རྣམས་སྟོན་ཞིང་། བོད་མི་ཚོས་མི་ཚེ་ལ་འཛིན་པའི་བསམ་བློའི་འཁྱེར་སོ་དཀྱུས་མ་དང་བྱམས་བརྩེ་ལྡན་པ་དེ་སྟོན་ལ། ཁོ་ཚོས་བརྩེ་དུང་གི་ཆེད་དུ་ཨུ་ཚུགས་ཀྱིས་འབད་པ་བྱེད་བཞིན་པ་ཡང་སྟོན་གྱི་ཡོད།
ལྕགས་ཕོར་རུ།
དེང་སང་སྤྱི་ཚོགས་ཐོག་ཕ་མས་བུ་ཕྲུག་གི་མ་འོངས་པར་ཚད་མཐོ་དྲག་པའི་རེ་འདུན་བཅངས་ནས་རྙིང་ཞེན་ཆེ་བའི་བསམ་བློའི་འདུ་ཤེས་ཀྱིས་བུ་ཕྲུག་གི་འོད་སྟོང་ལྡན་པའི་མ་འོངས་པ་དེ་བཀག་སྡོམ་གྱི་རྒྱ་རུ་བཙུད་པའམ་ཡང་ན་ལྕགས་ཕོར་རུ་ཁོ་ནའི་ཕྱོགས་སུ་བཙན་ཁྲིད་བྱེད་པ་དེ་ནི་ཕ་མས་དུས་རབས་གསར་པའི་ན་གཞོན་ལ་ཆ་རྒྱུས་ཀྱིས་མ་འདང་པ་དང་། རྒྱལ་ཁབ་ཀྱིས་གཞོན་རབས་པའི་ཁེ་ལས་ལ་རོགས་སྐྱོར་གྱི་སྲིད་ཇུས་བཟང་པོ་དེ་མ་ཤེས་པ་མ་ཚད།ཕུགས་བསམ་དང་དངོས་ཡོད་ཀྱི་ཁྱད་པར་མ་ཤེས་པའི་སྐྱོན་ཆ་ཡིན་པ་སྨོས་ཅི་དགོས།བགྲང་ལས་འདས་པའི་མཐར་ཕྱིན་སློབ་མ་ཚོ་སྤྱི་ཚོགས་ཀྱི་འགྲན་རྩོད་ཆེ་དྲག་པའི་དབང་གིས་ལས་དོན་མི་རག་པ་དང་ཁྱིམ་ཚང་གི་བསམ་བློའི་འདུ་ཤེས་ཨུ་ཚུགས་ཆེ་སོང་བས་རང་ཉིད་ཀྱི་བསམ་ཚུལ་དང་འདོད་མོས་ལ་བསམ་ཤེས་བྱེད་མཁན་ཉུང་རྐྱེན།ལས་རིགས་གཞན་དག་ལ་ཚོད་ལྟ་དང་འཕེལ་རྒྱས་གཏོང་བའི་ཐབས་ཤེས་མེད་པར་གྱུར་སོང་། དེའི་ཕྱིར་བརྙན་ཐུང་འདིའི་ནང་ཕ་མས་བུ་ཕྲུག་གི་བསམ་བློ་དང་གདམ་ཀ་ལ་བརྩི་འཇོག་བྱེད་པར་གལ་ཆེན་ཡིན་པ་དང་།རྒྱལ་ཁབ་ཀྱི་སྲིད་ཇུས་བཟང་པོ་དེ་ལ་རྒྱུས་ལོན་དང་ཡིད་ཆེས་བྱེད་པ། ཕ་མས་སྤྱི་ཚོགས་ཀྱི་ཁ་ཕྱོགས་ལ་དོ་སྣང་བྱེད་པ། བུ་ཕྲུག་གིས་གདམ་པའི་ལམ་བུ་དེར་གཟེངས་བསྟོད་དང་རྒྱབ་སྐྱོར་བྱས་ནས་བུ་ཕྲུག་ལ་དབང་བའི་ནུས་རྩལ་ཞིག་སྐྱེད་སྲིང་བྱེད་དགོས་པའི་སྐུལ་མ་གཏོང་ཡོད།
གཅིག་དང་བཞི།
གློག་བརྙན་དེ་ནི་བོད་ཀྱི་རྩོམ་པ་པོ་འཇམ་དབྱངས་ཚེ་རིང་གི་སྒྲུང་ཐུང་བཅོས་སྒྲིག་བྱས་པ་ཡིན་ཞིང་། དུས་རབས་ཉི་ཤུ་པའི་ལོ་རབས་དགུ་བཅུ་པའི་མཇུག་གི་ཉིན་ཞིག་ལ་ཁ་བ་བུ་ཡུག་འཚུབ་པའི་མཚོ་བོད་ས་མཐོའི་གདོད་མའི་ནགས་ར་ཞིག་ཏུ། ཉེན་རྟོག་པས་ལྐོག་རྔོན་རྒྱག་མཁན་བདའ་འདེད་བྱེད་པའི་གྱོད་གཞིའི་ནང་དུ་ནགས་སྲུང་བ་ཞིག་དབང་མེད་དུ་ཚུད་པའི་གཏམ་རྒྱུད་ཅིག་བཤད་ཡོད།
ཡེ་ཤེས་སྒྲོལ་མ།
དབྱར་ཁའི་གུང་གསེང་རིང་ཟླ་བ་ལྷ་སར་ལོག་ནས་ལོ་མང་མཐོང་རྒྱུ་མེད་པའི་སྤོ་བོ་ལགས་དང་རྨོ་བོ་ལགས་ལ་ལྟ་བར་ཡོང་སྐབས་སྤོ་བོ་ལགས་ལ་ནད་གཞི་ལྕི་པོ་ཕོག་ནས་གྲོངས་པའི་གནས་ཚུལ་འཕྲད་བཞིན་ཡོད། ནད་པར་ལྟ་སྐྱོང་དང་འདས་མཆོད་སྒྲུབ་པའི་བརྒྱུད་རིམ་ནང་རྨོ་བོ་ཡེ་ཤེས་སྒྲོལ་མས་ཁོ་མོར་རང་ཉིད་ཀྱི་ཀྱག་ཀྱོག་གི་མི་ཚེ་གང་པོ་བརྗོད་པ་དང་ལོ་ལྔ་བཅུའི་རིང་ཁོ་མོ་དང་སྐྱེས་པ་གསུམ་དབར་གྱི་དགའ་སྡང་དང་ཞེ་འཁོན་བརྗོད་པ་རེད་། བགྲེས་སོང་ཡེ་ཤེས་སྒྲོལ་མའི་ཚེ་གང་གི་གཉེན་སྒྲིག་དང་དགའ་སྡང་གི་མྱོང་བ་དམིགས་བསལ་མིན་པར་མི་རིགས་ཁག་དང་དུས་རབས་ཁག་གི་འཚོ་བའི་ཁྲོད་རྟག་ཏུ་འཕྲད་ཀྱི་ཡོད། འོན་ཀྱང་དུས་རབས་ཕྱེད་ཀའི་རིང་བོད་ས་ཁུལ་དུ་ཞིང་བྲན་ལམ་ལུགས་ནས་དེང་རབས་སྤྱི་ཚོགས་བར་གྱི་འཕོ་འགྱུར་ཆེན་པོ་དང་དེ་བཞིན་བོད་མི་རིགས་ཀྱི་ཐུན་མོང་མ་ཡིན་པའི་ཆོས་ལུགས་རིག་གནས་དང་ལས་དབང་དང་འཁོར་བའི་དད་མོས་ཀྱི་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་སྙིང་སྟོབས་ཀྱིས་ཁོང་གི་གཏམ་རྒྱུད་ལ་ཕུན་སུམ་ཚོགས་པ་དང་ཐུན་མོང་མ་ཡིན་པའི་མཛེས་དཔྱོད་ཀྱི་རིན་ཐང་ལྡན་ཡོད།
མདུན་སྐྱོད་ཀྱི་ལམ།
གཞོན་ནུའི་སེམས་སྐུལ་གློག་བརྙན་ཐུང་ངུ།
